أسف على الإزعاج

فيلم أسف على الإزعاج لسه متفرج عليه قريب

بس بصراحة عجبنى جدا

الفيلم أكتر من رائع

أحمد حلمى عرف يجسد شخصية مريض الفصام العقلى بالظبط

كان عندى سؤال لو تعرف حد عنده المرض دا

ومش راضى يقتنع أنه فعلا مريض

وكل أما تعرض عليه أنه يتعالج يزعل منك زى اما احمد حلمى كان كده الاول

وعلى فكرة المريض دا بيبقى ذكى جدا يعنى أما جابوله دكتور على إنه جاى يأجر الشقة قدر يعرفه وبسهولة

ياترى تصرفك هيبقى إزاى؟؟؟؟؟

و الله انا معرفش حد عنده المرض ده
بس فعلا هتبقي حالة صعبة اوي
لأن لو المريض مش عارف انه مريض هيتعامل معاك انك انت اللي مجنون :bounce:

انا كنت شفت فيلم اجنبي جميل جداا علي الموضوع ده قبل كده كان اسمة Identity
و John Cusack كان عامل دور مريض عنده شيزوفرانيا و بردو مش عارف انه مريض
و اقناعه كان صعب جدااا , بس هنا الفيلم كان مختلف شوية لأن المشاهد هو اللي مش عارف انه مريض

بالنسبة لتصرفي , فصعب اووي احدد تصرفي هيبقي ايه و خصوصا لو شخص بحبه او اعرفه

طيب انت هيكون تصرفك ايه ؟؟

أيوه كده يا بونجو أجبرى بخاطرى

انتى اللى فيهم

محدش بيعبرنى غيرك

أنا لو اتحطيت فى الموقف دا ممكن أقنعه بطريقه سهلة مجربة سابقا

هخده ونروح للدكتور وأبقى أنا المريض وأحكيله كل اللى هو بيعمله على إنى أنا اللى بعمله

دا كله وهو قاعد جنبى

وطبعا مش هبقى متفق مع الدكتور قبلها لأنه زى ما قلت مريض ذكى جدا

وبعدين أول ما الدكتور ينبهنى إنى مريض بمرض ما أكيد هو كده هيقتنع

هى حصلت مع اتنين أعرفهم وفعلا قدر يقنعه بالطريقة دى وهو دلوقتى بتعالج

يللا يا جماعة عايزيين نشوف آراءكو Smile

طيب انت هاتحكي تفاصيل المرض ده ازاي للدكتور مع ان المفروض
ان المريض بالفصام بيبقي ما يعرفش اي حاجة عن حالته ... Doc

اعتقد ان الدكتور نفسه هايسألك نفس السؤال....
وبعدين اكيد صاحبك هاياخد باله ان الحاجات اللي انت بتحكيها دي حصلتله هو !

انا غلسة اوي موش كدة nirdy

...بس ده رأيي!

لا لا مش غلسة ولا حاجة

بس إنتى بتتكلمى صح

هو أما جه يحكى للدكتور مش بيحكيله كل الاعراض

يعنى مثلا مش هيقولوا بيتهيألى حاجات مش موجودة

لأن أساسا دى إحنا مش بنشوفها.. المريض بس هو اللى بيشوفها

يعنى لو هناخد حالة أحمد حلمى كمثال

هيقوللو الناس كلهم بيشتمونى وبيعاملونى وحش مع إنى مش بعملهم حاجة وهكذا

دا غير ان السكيزوفرينيا أو الفصام أنواع وكل نوع له أعراضه

فإحنا ممكن نلعب على مسألة الأوهام منفعتش ممكن نلعب على المووود

يعنى مثلا هو مش بيتكلم كتير مش بيضحك عنده حاجة اسمها
mask face

دا غير ان الموضوع أوسع من الفيلم بكتير

يعنى من الاخر وبالراحة احكى عن التصرفات الغريبة اللى هو بيعملها
تحياتى

هي عموما هتبقي اكيد حالة صعب التعامل معاها ..

ده انا لو عندي شيزوفرانيا هيبقي اسهل ما احاول اتعامل ما واحد عنده المرض ده هههههه

ياريت لو تعرف عنها معلومات اكتر تقولنا

تصدقى فعلا مريض السكيزوفرينيا ممكن يصيع على ال
second voice
بتاعه
زى أما أحمد حلمى فتح التلفزيون بصوت عالى واداله الريموت
كأنه بيقوله لو كنت راجل وطيه
بس دى بصراحة مسمعتش عنها غير فى الأفلام
هو ممكن طبعا يساعد نفسه بس محتاج الأول يعترف أنه مريض
وعلى المعلومات الأكتر فيه كتير
ممكن دماغك يصدع وتزهقى منى
تحياتى
Shocked

ما هي المشكلة من الأول انه يقتنع و يعترف انه مريض
لأن مش سهل انك تقنع واحد عنده " حالة من الجنون " انه شبه مجنون .. coool

لو مقتنع انه مريض اصلا اكيد هيطلب المساعده

لأ متخافش مش هصدع Smile

,

و نخلي الموضوع منه معلومات و منه علاج نفسي و نطلع بتمن الفيزيتا
و لا ايه يا دوك ؟؟ Very Happy