ودا حلمى بيكى يا مصر

الحقيقة إن دا عنوان لجروب على الفيس بوك عجبنى جدا

هو بيهدف لإننا لازم نحلم بمستقبل مصر اللى احنا عايزينه

لأن الحياة اللى احنا عايشينها اثبتت أن اليأس يجلب مزيد من اليأس

وقريت جملة حلوة أوى لإبراهيم عيسى قال فيها

والحقيقة أنه لم يعد هناك أي أمل إلا أن يصحو المسئول من حلمه أو يصحو الشعب المصري من كابوسه

وأعتقد أننا فى وضح لايسمح لنا بأن نوقظ المسئول من حلمه

ولكن نستطيع بل ولنا الحق فى أن نصحو من كابوسنا حتى وإن استبدلنا هذا الكابوس بحلم

فدى دعوة عامة لكل المركزين اللى فى المنتدى يدخلو يكتبو حلمهم

ولو لقيت منكو تجاوب هبقى أجيبلكو شوية أحلام من الجروب تشفوها

فهيا اكتب حلمك فى سطور ..... فأنت هنا الحاكم والدستور

تحياتى

اولا مش محتاجة اقولك يا باجوجو ان عاجبني جدااا النشاط اللي انت عاملة في المنتدي بجد مخليه صاحي لحد ما الناس تيجي ربنا يبارك لك يبني

ثانيا بالنسبة للموضوع
موضوع جميل جدااا
و انا المفروض كأول مركزة ترد علي الموضع تقول احلامها

لكن زي ما قلت ان اي حلم اتحول لكابوس و الاحلام اغلبها بعد ما كانت وردية بقت رماددددي

عموما انا هنتظر اي حد يقول حلمه و بعدين ابقي انطلق و اقول احلاااامي ..

و بردو منتظرين الاحلام اللي في الجروب نشوفها

و احلامك انت كمان

نشاط ايه بس ... انتى بتتكلمى عن واحد فاضى أربعة وعشرين ساعة فى اليوم
أجازة جاءت فى غير ميعادها

خلينا فى الحلم دا أول حلم هنقلهولكوا من الجروب

العنوان: حلمى اللى هيتحقق أكيد

خير اللهم اجعله خير.انا صحيت م النوم الفجر وده طبعا حاجه طبيعيه جدا
الشوارع كانت زحمه و مليانه بالرجاله اللى بيصلوا الفجر..المهم فتحت باب
البيت لاقيت العيش و الجرانين قدام باب البيت و ده طبعا بيحصل كل
يوم.المهم صبحت على جيرانى وانا نازله مع انى لسه كنت شايفاهم ف اجتماع
الحى اللى بيتعمل كل اسبوع ف نادى الحى.النادى ده بقى فيه كل الانشطه اللى
ممكن الاطفال والشباب يحتاجوا انهم يشتلركوا فيه.وطبعا الاشتراك رمزى.طبعا
الشوارع انضف من البيوت اصلا..بعدها بشويه ركبت الاتوبيس العام اللى بقيت
احب اركبه اكتى من عربيتى لانه اوفر واسرع و اريح.الناس كلها يا باعت
عربياتها يا ركناهم قدام بيوتها و بيستعملوا المواصلات العامه.بعدين شفت
الشباب الاجانب"قمرات الله يحرقهم"و هو بيستعد عشات يروح المدارس
والجامعات المصريه..ليه؟ طبعا عشان احنا عندنا ارقى و ادق نظام تعليمى ف
العالم..كفايه كده عشان ماما صحيتنى

لأ حلم فعلا ً ,
لا و التعليم كمان " ارقي و ادق نظان تعليمي في العااااااااالم " Laughing

أنا ملاحظ إن بونجو بس اللى مهتمية بالحلم المصرى

بس بونجو أساسا عندى بالمنتدى كله عشان كده هجيبلك حلم كمان

العنوان : هنحلم بالعند فيهم

مصر فى 2020
انا بقيت استاذ مساعد فى قسم الرمد
بس البنت بسمه صعبت على اوى
اصل انا فرقت عنها درجه واحده وطبعا ابوها رئيس القسم ماقدرش يعمل حاجه
هو اصلا مش بايده حاجه ......... دى مسالة مجهود مش كوسه
المهم انا قاعد على النت بتواصل مع الطلبه بتوعى فى موضوع منشور على النت جديد
بس حاجه وحشه انا معايا عشرة طلاب
طب هاتابعهم ازاى ..بكرة هكلم الوزير فى الاجتماع نقلل العدد شويه
الطلبه بتوعى متعبين قوى كل يوم يجيبوا موضوع جديد يسالونى فيه
وبعدين سرعة النت 20 ميجا مش قادر انجز الشغل بتاعى
بعد ما خلصت مع الطلبه دول ....جه معاذ ابنى يقولى يا بابا سيب النت علشان فيه بحث عايز اخلصه....
الواد بقى فى خمسة ابتدائى يعنى لازم اسمع كلامه
قمت بقى اشوف التلفزيون شويه
لقيت الريس بتاعنا بيخطب ..طبعا قعدت اسمعه اصله حبيبى
قال انا بهدد الولايات المتحده بوقف المعونات الماديه والعينيه وهوقف اى نشاط دوبلوماسى
انا قلت ايه الى حصل ... دول اكييد عملو مصيبه
الموضوع طلع ان فيه مواطن مصرى فى امريكا اتشتم واتقاله يا كلب
مش عارف الريس بتاعنا بدا يتراجع فى مواقفه هو لسه بيسال
هيستنى لما ايه يحصل يتشتم بامه؟
فى الانتخابات الجايه مش هنتخبه...هو هيضيع كرامتنا
هو ده الى كان ناقص نتشتم فى امريكا ..ده تسيب واستهتار
كفايه كده..اصل نكمل حلمنا فى حته تانيه